النجوم يدعمون رامي جمال بعد اصابته بالبهاق وبينهم اليسا وتامر حسني

11/11/2019

رامي جمال

  • رامي جمال
  • اصابة رامي جمال بالبهاق
  • مرض البهاق
  • امراض النجوم
  • احداث فنية

حرص العديد من نجوم الفن الى دعم زميلهم المطرب رامي جمال بعد الاعلان عن اصابته بمرض البهاق الجلدي، وأعربوا عن محبتهم الكبيرة له رافضين فكرة اعتزاله.

تامر حسني

النجم تامر حسني الفنان رامي جمال تصدر الداعمين لزميله رامي جمال بعد إعلان إصابته بمرض البهاق منذ عام، فكتب رسالة له جاء فيها :"إلى الفنان الكبير والصديق الحقيقي والمحترم رامي جمال يا حبيبي انت فنان كبير ومحبوب وليك قيمتك وكل الناس بتحبك ومفيش حاجه هتعطلك عن نجاحك".

ونشر حسني صورة تجمعه برامي جمال وقال له: "تعبك دا لاهو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر".

وتابع: "حتى لو كان تعب نفسي أو مادي كل شخص جواه وجع من حاجه معينة المهم اننا نبص ونتعلم من اللي ظروفهم اصعب مننا ورغم كدا عندهم صبر وبينجحوا في الاختبار وبيقولوا الحمدلله ومكملين وعندهم إراده وبينجحوا اكتر من الأول».

تامر حسني ناشد زميله بتكملة مشواره الفني والابتعاد عن أي مخاوف تتعلق بالمرض قائلًا: "لازم تكمل نجاح يا رامي وشيل أي هلاوس من دماغك واوعى تخبي نفسك اللي بيحبك بيحبك لشخصك وفنك صدقني دي حاجة عادية يا رامي والله ملهاش أي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي ونفسهم يفرحوك".

ولفت تامر حسني إلى النجم العالمي مايكل جاكسون الذي أصيب بنفس المرض قائلا "وبعدين افتكر ان مايكل چاكسون جاله نفس اللي جالك وبقى اسطوره مبتتكررش خاااااص وانت فنان وعارف ...انا واثق انك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي انك هتنجح اكتر واكتر وربنا هيكرمك اجمل كرم وهتشوف قريب".

اليسا

 الفنانة إليسا بدورها كتبت تغردية دعم لزميلها رامي جمال وجاء فيها "ممنوع تغيب وممنوع يكون البهاق عذرلغيابك أنت بتقول ابتليت بالبهاق، بس مش سبب لتخاف وتغيب فى ناس ابتليت بالكذب والخيانة وماهزت، وجودك أساسي ومثل ما أنت بتقول: أصل الحكاية مش حكاية شكل حكاية روح".


رامي جمال

لطيفة التونسية

الفنانة لطيفة غردت لرامي جمال قائلة: "حبيب قلبى يا رامى يا مبدع يا محترم يا مختلف اوعى تفكر كده أول حاجة لازم تقول الحمد الله على كل حاجة ربنا يكتبهالنا، تانى حاجة دى حاجة حصلت لناس كتير واتعالجت منها الحمد الله وبعدين إحنا بنحبك على موهبتك وفنك الرائع وكل جمهورك، وأنا منهم، بنبقى مستنيين جديدك دايما".

أحمد جمال

الفنان أحمد جمال وجه رسالة حب وتقدير لمواطنه رامي جمال، فكتب له عبر تويتر :"سلامتك يا رامي يا حبيبي، أولاً ربنا ما بيختارش غير الخير و تأكد ان كل اللي بيحصلنا في الدنيا من تدبير ربنا و رحمته بينا، ثانياً جمهورك اللي بيحبك هيفضل يحبك و مكمل معاك بأي شكل و ف أي وقت، ثالثاً و ده الاهم مفيش " جمال " ضعيف كل عيلة جمال جامدين ، يلا يا بطل انا مستني الألبوم".

زينة رضا

الممثلة زينة رضا عبرت عن دعمها لرامي جمال وكتبت له عبر انستغرام:"انسان محترم ربنا يعفو عنك ...للاسف احنا في دنيا مابترحمش والنَّاس بقت صعبه ياريت نحاول يكون في قلوبنا رحمة ...انت انسان موهوب يمكن انا ما تشرفتش بمعرفتك بس قلبي معاك واوعي تفكر تتهزم ده مرض عادي وربنا يعفوا عنك وقول الحمد لله والنَّاس الرحيمة كتير واعتبرني من اهلك والإنسان بموهبته واحترامه وأخلاقه وبس".

مرض رامي جمال

وكان المطرب المصري رامي جمال أعلن مساء أمس بأنه يفكر في الاعتزال، وذلك بعد إصابته بمرض البهاق.


وتحدث رامي جمال عن تفاصيل تجربته مع المرض التي بدأت قبل نحو عام، ومحاولاته تفادي مخاوف الناس من المرض، وإخفاء أعراض مرضه، كما بين عدد من ردود الفعل من جماهيره وأصدقائه حول المرض، والتي وصلت إلى تجنبه بسبب مخاوف من العدوى بالمرض.

المصدر: إي نيوز

أخبار متعلقة